Subaru автокөліктің қалдық құнын сақтау бойынша көшбасшы

Subaru of America, Inc. автоөндірушінің «2021 жылғы үздік қалдық құн» номинациясында төрт Kelley Blue Book марапатын жеңіп алғанын хабарлады, атап айтқанда:

• 2021 жылғы Subaru Impreza

Үздік қалдық құн: седандар класы

• 2021 жылғы Subaru XV Crosstrek

Үздік қалдық құн: ықшам кроссовер класы

• 2021 жылғы Subaru Forester

Үздік қалдық құн: ықшам жол талғамайтын көлік

• 2021 жылғы Subaru Outback

Үздік қалдық құн: орташа өлшемді жол талғамайтын көлік - 2-қатарлы

Best Resale Value Awards сыйлығы 2021 модельдік жылғы автокөліктерге олардың 5 жылдық пайдалану барысындағы болжалды қалдық құны үшін беріледі. Амортизация (немесе құнын жоғалту) әдетте иелік ету кезіндегі автокөлікті сатып алушының негізгі шығындары болғандықтан, бұл марапаттар да жаңа және пайдалануда болған автокөліктер туралы бүкіл KBB.com ақпараты сияқты тұтынушыларға автокөлік сатып алу жөнінде көбірек негізделген шешімдер қабылдауға көмектесуге бағытталған.

«Біз Kelley Blue Book компаниясынан XV Crosstrek, Forester, Impreza және Outback үшін 2021 жылдың үздік қалдық құны үшін сыйлық алғанымызға қуаныштымыз», – деді Subaru of America, Inc. компаниясының президенті және бас атқарушы директоры Томас Дж. Долл. «Бұл марапаттар біздің клиенттеріміз үшін сенімді, жоғары сапалы автокөліктерді қамтамасыз етуге деген адалдығымызды атап көрсетеді».

Kelley Blue Book компаниясының қайта сатқан кездегі үздік қалдық құн үшін марапаттары 19 жылдан бері беріліп келеді және Kelley Blue Book® ресми анықтамалығының болжамдарына негізделеді.