История

1953

бейнені қараңыз

Fuji Sangyo Industries концернінің құрылуы

1953 жылы Fuji Sangyo 12 компанияға бөлінді. Кейбір кәсіпорындар бәсекелестікке шыдамай жабылып жатты, алайда ең мықты 5 компания қайтадан Fuji Heavy Industries концерніне бірікті. Кейінірек оларға алтыншысы қосылды. Корпорация реактивті ұшақтарды, бензин араны, Rabbit мотороллерін және дизельді автобустарды шығарумен айналысып, біртіндеп нарықты басып алды. Fuji Heavy Industries концерні осылай құрылды.

1958

Subaru 360 автокөлігінің дебюті

Subaru маркасының нағыз автокөлік дебюті 1958 жылы ғана болды. Соғыстан азып-тозған Жапонияда машина жасау үшін шикізат пен отын жетіспеген кезде, ел үкіметі өз өнеркәсібін көтермелеу мақсатында бензин шығыны 100 км қашықтыққа 3,4 литрден аспайтын, ұзындығы 360 см дейінгі жеңіл автокөліктерге мүлдем салық салынбауы жөнінде заң қабылдады. FHI осы талаптарға сай келетін Subaru 360 автокөлігін шығарған бірінші компания болды.

1961

Әлем нарығына шығу

1961 жылы тасымалдаушы фургондар мен пикаптар бағытында жұмыс істейтін Subaru Sambar бөлімшесі құрылды. Subaru 360 жетістігінен шабыттанған компания 1966 жылы аса ірі автокөліктер нарығына шығуға шешім қабылдап, Subaru 1000 моделін шығарды. Бұл Жапонияның алғаш рет жаппай шығарылған, келбеті сол заман үшін авангардты стильде болып, көптеген көліктер үшін еліктеу эталонына айналған, көлемі 997 текше см, қуаты 55 а.к. беретін 4 цилиндрлі оппозитті қозғалтқышы бар алдыңғы жетекті автокөлігі болды. Концерн басшысы ішкі нарықтағы сатылымның артып келе жатқанына қарап, өз автокөліктерін Еуропа мен АҚШ-қа экспортқа жіберуге бел буды.

1971

Әлемдік жетістік

1971 жылы Subaru FF моделін әлемдегі алғашқы толық жетекті жеңіл автокөлік болған – Subaru Leone алмастырды. Осы автокөліктің арқасында Subaru аса қуатты бәсекелестерінен ада толық жетекті автокөліктер тауашасын тапты. Ал 1972 жылы R-2 моделінің орнына көлемі 356 текше см болатын 2 цилиндрлі, сумен салқындатылатын Rex моделі келді. 1974 жылы шет елде көрсетілген Leone сатылымда нағыз жарылыс жасады – екі жыл ішінде 100000-нан астам машина сатылды, оның ішінде 30000 көлік АҚШ-та сатылды. 1975 жылы экспорт 26,9% құрады. 1977 жылы АҚШ-қа Subaru Brat моделінің экспорты басталды.

1983

Subaru технологиялары

1983 жылы Subaru компаниясы Domingo атауымен микроавтобустың қызықтырарлық моделін шығарады. Ол шағын шанағына 7 адамды сыйдырып алуымен қатар, салондағы орындық конструкциясының да айрықша болғандығымен қызықтырарлық болды. Дәл осы кезде Subaru берілістерді автоматты түрде ауыстыру жүйесін - ECVT вариаторын әзірлеумен айналысты. 1984 жылы конвейерден Justy моделі шықты, ал 1987 жылы оның ECVT автоматтық трансмиссиясы бар түрі шығарылды. 1985 жыл – Subaru Alcyone моделінің, ал АҚШ нарығында – Subaru XT атауымен шығуы. Бұл модельде Subaru аэродинамикаға көп көңіл бөліп, біршама жетістікке қол жеткізді, аэродинамикалық құбыр ішінде жүргізілген сынақтардың нәтижелері тамаша болды.

1989

Автокөліктің сән үлгісіндегі жаңа леп

Subaru автокөліктердің сән үлгісіндегі жаңа лебіне еліктеп 2 литрлі қозғалтқышы бар автокөліктер нарығына шығып, әлемдік нарықта өзін танытуға бел буды. Сөйтіп, 1989 жылы аты аңызға айналған Legacy моделінің өндірісі басталады. Legacy моделі Subaru компаниясының сол кезеңдегі дәстүрінің барлық құндылықтарын қамтыды. Ол өзінде көлденең-оппозитті қозғалтқыш пен 4WD толық жетек жүйесін үйлестірді. Бұл аэродинамикалық және жүріс сипаттамалары тамаша мүлдем жаңа модель болды. Legacy моделінің қатарында екі түрі болды: 4 есікті седан және station wagon универсал.

1990

Автоспортты еңсеру

1990 жылдан бастап Subaru тарихында жаңа кезең, яғни, британдық Prodrive компаниясымен ынтымақтастық басталды. Концерн автоспортқа қатысуға шешім қабылдады, ал Prodrive Subaru автокөліктерін жарыстарға дайындай бастады. Сол жылдың өзінде Legacy спорт көлігі Safary Rally жарысын “N” тобында жеңіп алды. Осылайша, Subaru компаниясының осы Subaru маркалы автокөліктер бірнеше рет жеңіске жеткен раллий және шеңбер чемпионаттарындағы жолы жарқ етіп басталды. Ал "азаматтық" салада Subaru 1992 жылы класы төмен тек қалаға арналған Vivio көлігін шығарды. Ол көлемі 658 текше см болатын қозғалтқышпен және танымал болған вариатормен жабдықталды.

1997

Жетістік толқынында

Forester спорттық автокөлік (SUV – sport utility vehicle) пен жолаушы автокөлігінің қатал да келісті қырларын біріктірді. Ол «екеуінің де ең жақсысы» («best of both») тұжырымдамасына негізделген жаңа стильдегі автокөлікке айналды. Негізгі шассиі 1993 жылғы Legacy моделіндегідей, бірақ сәл өзгертілген болды. Дөңгелек базасы қысқартылған, жерден биіктігі 200 мм және жалпы биіктігі 1,580 мм болды. Осы сипаттамаларының арқасында Forester нашар жолдарда тамаша жүріс сапасын және SUV автокөліктері үшін қажет болатын жүргізушінің биік отыруын қамтамасыз етті.

2000

Жаңа мыңжылдық

Жаңа мыңжылдықты Subaru аса белсенді бастады. 2000 жылы Impreza моделі "Жапониядағы Жыл автокөлігі” атағын иеленеді. Дәл сол 2000 жылы Subaru бірқатар жаңа модельдерді ұсынды. Осылайша, Baja, Legacy B4, Scrambler және R1e, R2 модельдері және АҚШ-та Tribeca моделі пайда болды. Forester IIHS институты тарапынан соқтығысу кезіндегі сынақта жоғары бағаны иеленді. 39-шы Токио автосалонында B5-TPH концепті ұсынылды.

1995

Outback

1995

forester

2011

Subaru XV

Бүгін

Қазіргі модельдер

Subaru Outback — жолсыз жерден өте алатын универсал, 1993 жылдан бері шығарылып келеді. 1997 жылы Subaru клиренсі биік және толық жетегі бар — Subaru Forester машинасын ұсынды. Сонымен қатар SUBARU XV ұсынылды, бұл 2011 жылдан бері шығарылып келе жатырған шағын Subaru кроссовері.